စစ်မှန်သောဖြစ်တည်မှု

သူငယ်ချင်းက ကျွန်မရိုက်ပေးသည့်ဓာတ်ပုံများကိုပြန်ကြည့်ရင်း သူမြင်တွေ့သော အားနည်းချက်များကို ထောက်ပြသည်။ ကျွန်မက သူမကို အနီးကပ်ကြည့်ရန် ပြောလိုက်ပြီး “ဘုရင်တကာတို့ရဲ့ဘုရင်၊ အနန္တတန်ခိုးရှင်ဘုရားရဲ့ လှပပြီး ချစ်စရာကောင်းတဲ့သမီးတစ်ယောက်ကို ငါမြင်တယ်။ သူမမှာရှိတဲ့ စစ်မှန်တဲ့ ကြင်နာမှု၊ ရက်ရောစွာပေးကမ်းမှုနှင့် သစ္စာရှိမှု၊ အခြားသူတွေရဲ့ အသက်တာကို ထူးခြားမှုဖြစ်စေတဲ့ ဘုရားသခင်နှင့် အခြားသူများကိုချစ်တဲ့ သူတစ်ယောက်ကို တွေ့နေရတယ်” ဟု သူ့ကိုပြောလိုက်ပြီးမှ မျက်ရည်ဝိုင်းသောသူ့မျက်ဝန်းလေးကို သတိထားမိသဖြင့် “သရဖူလေးလိုသေးတယ် ထင်တယ်”ဟု ကျွန်မပြောလိုက်သည်။ ထို့နေ့မွန်းလွဲပိုင်းတွင် သူမ၏စစ်မှန်သောဖြစ်တည်မှုကို ဘယ်တော့မှ မေ့မသွားအောင် သူမနှင့်လိုက်ဖက်သည့် အပြစ်ဆိုဖွယ်မရှိသောသရဖူတစ်ခုကို ရွေးချယ်ဝယ်ပေးခဲ့သည်။

သခင်ယေရှုကို ကျွန်မတို့ကိုယ်တိုင်ကိုယ်ကျ သိလာသောအခါ ကျွန်မတို့ကိုသူ၏ချစ်မေတ္တာဖြင့် အုပ်မိုးကာ သူ၏သားသမီးဟု ခေါ်ပါသည် (၁ ယော ၃ :၁)။ “သားတော်သည် ထင်ရှားပေါ်ထွန်းတော်မူသောအခါ ငါတို့သည် အထံတော်သို့ရောက်လျှင် ရဲရင့်သောအခွင့်ရှိ၍ ရှက်ကြောက်ခြင်းနှင့်ကင်းလွတ်မည် အကြောင်း” (၂:၂၈) ယုံကြည်ခြင်းဖြင့်…

မျှော်လင့်ခြင်းကို မျှဝေခြင်း

ကျွန်မတို့၏စကားဝိုင်း၌ အဲမာက ဘုရားသားသမီးအနေဖြင့် သူမ၏ဖြစ်တည်မှုကို ကိုင်စွဲနိုင်အောင် ဘုရားရှင်မစခဲ့ပုံကို သက်သေခံရင်း ကျမ်းချက်များ ရွတ်ဆိုခဲ့သည်။ အထက်တန်းကျောင်းသူလေးက ကိုယ့်စကားကိုယ်မပြောဘဲ ဘုရားနှုတ်ကပတ်တော်ကို မည်သည့်အချိန်ကစ၍ ကိုးကားရွတ်ဆိုနိုင်သည်ကို ကျွန်မနားမလည်နိုင်ပါ။ လမ်းလျှောက်နေသည့် ကျမ်းစာအုပ်နှင့်တူသည်ဟု သူမကိုချီးမွမ်းလိုက်သောအခါ သူမ မျက်မှောက်ကြုံ့သွားသည်။ ကျမ်းစာကို တမင်သူရွတ်ဆိုနေခြင်း မဟုတ်ပါ။ သမ္မာကျမ်းစာကို နေ့စဥ်ဖတ်ရှုခြင်းမှ ရရှိခဲ့သည့်ပညာဉာဏ်က သူမ၏နေ့စဥ်အသက်တာ အပြောအဆို၏တစ်စိတ်တစ်ပိုင်း ဖြစ်နေခဲ့ခြင်းပါ။ ဘုရားရှင်၏အစဥ် တည်ရှိခြင်းမျက်မှောက်တော်ကို ဝမ်းမြောက်ခံစားလျက် အခြားသူများနှင့် သမ္မာတရားကိုမျှဝေရန် ရရှိသည့်အခွင့်အရေး၌ သူပျော်မွေ့သည်။ အခြားသူတို့အား ဆုတောင်းလျက် ကျမ်းစာဖတ်ရန်၊ အလွတ်ကျက်မှတ်ပြီး လက်တွေ့အသက်ရှင်အောင် နိုးဆော်ရန် ဘုရားရှင်အသုံးပြုသူလူငယ်မှာ အဲမာ ပထမဦးဆုံး မဟုတ်ပါ။

တိမောသေအား ဦးဆောင်မှု ခေါင်းဆောင်နေရာကိုခံယူရန် အားပေးခဲ့ချိန်က ဤလူငယ်လေးအပေါ် စိတ်ချယုံကြည်မှုကို တမန်တော်ရှင်ပေါလု ပြခဲ့သည် (၁ တိ ၄:၁၁-၁၆)။ တိမောသေသည် ငယ်စဥ်ကပင် ကျမ်းစာ၌အမြစ်စွဲသူ…

အစေခံရန်အတွက် အသက်ရှင်ပါ

၁၀ နှစ်သမီးလေး ချယ်လ်ဆီသည် လက်ဆောင်အဖြစ် ပန်းချီဆွဲရန်ပစ္စည်းစံုကို လက်ခံရရှိခဲ့ပြီးနောက် သူမဝမ်းနည်းနေလျှင် ဘုရားရှင်သည် အနုပညာအားဖြင့် သူမကို စိတ်သက်သာရာရစေကြောင်း သူမသိရှိခဲ့ရသည်။ ထို့နောက် ကလေး အချို့သည် ပန်းချီပစ္စည်းများကို မဝယ်နိုင်ကြောင်း သူမသိခဲ့ရပြီး ထိုကလေးငယ် များကို ကူညီချင်ခဲ့သည်။ ထို့ကြောင့် သူမ၏မွေးနေ့ရောက်သောအခါ သူမ၏ သူငယ်ချင်းများအား သူမအတွက်လက်ဆောင် ယူမလာဘဲ လိုအပ်နေသော ကလေးများအတွက် ပန်းချီပစ္စည်းများပေးလှူရန် ဖိတ်ခေါ်တောင်းဆိုခဲ့သည်။

နောက်ပိုင်းတွင် သူ့မိသားစု၏အကူအညီဖြင့် "ချယ်လ်ဆီအလှူဒါနအသင်း" ကို သူမစတင်တည်ထောင်ခဲ့သည်။ သူမသည် ကလေးငယ်များကို ပိုမိုကူညီနိုင်ရေးသူ့နည်းတူ ပါဝင်လှူဒါန်းကြရန် အခြားလူများထံမှ အကူအညီတောင်းခံခဲ့သည်။ သူမလှူဒါန်းသောပစ္စည်းကို ရရှိသည့်ကလေးများအား ပန်းချီသင်ပေးသေးသည်။ နယ်ခံသတင်းတင်ဆက်သူက ချယ်လ်ဆီနှင့် တွေ့ဆုံမေးမြန်းမှုကို ထုတ်လွှင့်အပြီး တွင် တစ်နိုင်ငံလုံးမှပြည်သူများက ပန်းချီပစ္စည်းများ စတင်လှူဒါန်းလာကြတော့ သည်။ ချယ်လ်ဆီအလှူဒါနအသင်းသည် ပန်းချီပစ္စည်းများကို ကမ္ဘာအနှံ့သို့ ဆက်လက်ပေးပို့လျက် ရှိသည်။ အခြားသူကို…

ဝတ်ပြုကိုးကွယ်သည့်နေရာ ဘယ်နေရာဖြစ်ဖြစ်

အလွန်အမင်းနာကျင်လျက် မလှုပ်ရှားချင်လောက်အောင် ခေါင်းကိုက်ခြင်းကြောင့်အသင်းတော်ဝတ်ပြုခြင်းအစီအစဉ်ကို ကျွန်မမပါဝင်နိုင်ပါ။ ယုံကြည်သူများနှင့် အတူဝတ်မပြုနိုင်သဖြင့် စိတ်မကောင်းဖြစ်ရင်း အွန်လိုင်းတရားဟောချက်ကို ကြည့်ခဲ့သည်။ ပထမတွင် ခံစားရသမျှကြောင့် မကျေနပ်မှုနှင့် စိတ်ကုန်ရသည့်အထဲ အသံမကြည်၊ ရုပ်မရှင်းမှုကြောင့် အာရုံမစိုက်နိုင်ဖြစ်ခဲ့သည်။ သို့သော် ကျွန်မအကျွမ်းဝင်သည့် ဓမ္မသီချင်းသံထွက်ပေါ်လာရာ၊ သီချင်းလိုက်ဆိုရင်း ကျွန်မ မျက်ရည်များစီးကျလာသည်။ "အကျွန့်နှလုံး၏သခင်သည် ကျွန်ုပ်မျက်မှောက်ပြုရာတည်း။ အခြားမရှိ၊ သခင်သာ ကျွန်ုပ်၏ကယ်တင်ခြင်း။ အကောင်းမြတ်ဆုံး တွေးဆင်ခြင်စရာ၌ နှစ်မျောလျက် နေ့ညမပြတ် နိုးလျက် အိပ်လျက်၊ သခင်၏တည်ရှိမှုသာ ကျွန်ုပ်၏အလင်းပါ။" ဘုရားသခင်၏အစဉ်အမြဲ တည်ရှိမှုကို အာရုံပြုရင်း ဧည့်ခန်းထဲ၌ ကိုယ်တော့်အား ကျွန်မဝတ်ပြုခဲ့သည်။

စုပေါင်းဝတ်ပြုခြင်းသည် အရေးကြီးပြီး လိုအပ်ကြောင်း သမ္မာကျမ်းစာမှ အခိုင်အမာဆိုသော်လည်း (ဟေ ၁၀:၂၅)၊ ဘုရားသခင်ကို ဘုရားကျောင်းအတွင်း ၌သာ ကန့်သတ်ထား၍မရပါ။ ရေတွင်း၌ ရှမာရိအမျိုးသမီးနှင့် အပြန်အလှန် စကားပြောဆိုစဉ် မေရှိယနှင့်ပတ်သက်ပြီး မျှော်လင့်ထားသည့်အရာမှန်သမျှကို သခင်ယေရှု ချေပပြောဆိုခဲ့သည်…

ကျွန်ုပ်တို့ခံစားရကြောင်း ဘုရားရှင်သိသည်

စီအယ်ရာ သည် မူးယစ်ဆေးစွဲနေသည့်သားကြောင့် ၀မ်းနည်းပြီး စိတ်ထိခိုက်ေနေသည်။ "ကျွန်မစိတ်မကောင်းဘူး။ ကျွန်မဆုတောင်းနေတုန်း မငိုဘဲမနေနိုင်တဲ့အတွက် ကျွန်မမှာ ယုံကြည်ခြင်းမရှိဘူးလို့ ဘုရားသခင်ထင်မှာလား" ဟုမေးသည်။

"ဘုရားသခင်ဘာတွေးနေလဲ ကျွန်မမသိဘူး။ ဒါပေမဲ့ ကိုယ်တော်က ခံစားချက်အစစ်အမှန်တွေကို နားလည်တယ်ဆိုတာ ကျွန်မသိတယ်"ဟု ကျွန်မပြန်ဖြေလိုက်သည်။ သူမ၏သားလွတ်မြောက်မှုအတွက် ကျွန်မတို့ တောင်းပန်ဆုတောင်းရင်း စီအယ်ရာ နှင့်အတူ ကျွန်မမျက်ရည်ကျခဲ့ရသည်။

နှုတ်ကပတ်တော်၌ ရုန်းကန်ရချိန်များ၌ ဘုရားသခင်နှင့်နပန်းသတ်ခဲ့သူများ အကြောင်း ဥပမာများစွာ ပါရှိသည်။ ဆာလံကျမ်း အခန်းကြီး ၄၂ ကို ရေးသားသူက အစဥ်အမြဲတန်ခိုးကြီးသည့် ဘုရားသခင်၏တည်ရှိမှုမျက်မှောက်တော်ကို ခံစားရရန် ပြင်းပြသောတောင့်တမှုကို ဖော်ပြထားသည်။ သူ၏မျက်ရည်နှင့် သူသည်းခံနေရသည့် ကြေကွဲမှုကြောင့် စိတ်ဓာတ်ကျမှုတို့ကို သူဝန်ခံခဲ့သည်။ ဘုရားသခင်၏ သစ္စာတည်မှုကို ပြန်လည်ဆင်ခြင်သောအခါ သူ၏အတွင်းစိတ် မတည်ငြိမ်မှုလျော့ကျသွားပြီး ချီးမွမ်းခြင်းများနှင့်ပြည့်လျှံသွားသည်။ သူ၏ 'စိတ်ဝိညာဉ်'ကို အားပေးရင်း ဆာလံဆရာက "ဘုရားသခင်ကို မျှော်လင့်လျက်နေလော့။ ငါ့ကို ကယ်တင်တော်မူသောအရှင်၊ ငါကိုးကွယ်သောဘုရားသခင်၏…

ကောင်းလွန်းလှသောနိဂုံး

ကျွန်မ၏ခင်ပွန်းနှင့်သားသည် သူတို့ကြည့်မည့် ရုပ်ရှင်ကိုရွေးရာ သူတို့အကြိုက် ဇာတ်ကားများ ထုတ်လွှင့်မည်ကို တွေ့ရှိခဲ့သည်။ ဇာတ်သိမ်းခန်းကို ကြိုကြည့် ရခြင်းကလည်း သူတို့ဝါသနာ၊ သို့နှင့် ထိုသို့ဇာတ်ကားရွေးခြင်းက အပျော်တမ်း ဂိမ်းကစားသကဲ့သို့ ဖြစ်လာသည်။ နောက်ဆုံးဇာတ်ကား ၈ ကားကို သူတို့ တွေ့ခဲ့ သည်။ စိတ်ကသိအအောင့်နှင့် "ရုပ်ရှင်တစ်ကားကိုရွေးပြီး အစကနေ ဘာလို့ စမကြည့်တာလဲ" ဟု ကျွန်မမေးရာ ခင်ပွန်းသည်က "ကောင်းလွန်းလှတဲ့ ဇတ်သိမ်းခန်းကို မကြိုက်တဲ့သူ ရှိလားကွာ" ဟု ရယ်လျက် ပြန်ဖြေခဲ့သည်။

ကျွန်မနှစ်သက်သောစာအုပ် (သို့) ရုပ်ရှင်၏ နိဂံုးပိုင်းကို မျှော်တလင့်လင့် ဖြစ်ရကြောင်း ကျွန်မလည်း ဝန်ခံရပါသည်။ ကျမ်းစာဖတ်ရာ၌လည်း ပိုကောင်း ပိုနားလည်လွယ်ပုံရသည့် ကျွန်မကြိုက်သည့်အပိုင်း၊ ဇာတ်လမ်းများကို သဲ့ပြီး ဖတ်ရှုသည်။ သို့သော် ကျွန်မတို့ကို ပြုပြင်ပြောင်းလဲရန်နှင့် သခင်ယေရှုကို ယုံကြည်သူတို့အတွက် ဘုရားသခင်၏ဇာတ်လမ်းသည် ကောင်းစွာအဆုံးသတ် မည်ကို…

လူတိုင်းတိုးဝင်နိုင်သည်

ခရီးသွားဧည့်သည်များသည် Caribbean (ကာရေဘီယံ)ဒေသရှိ သေးငယ်သော Eleuthera (အေလူသရာ)ကျွန်းတွင် လူလုပ်တံတားပေါ်မှ အတ္တလန္တိတ်သမုဒ္ဒရာ ၏ ကြမ်းတမ်းသော နက်ပြာရောင်ရေနှင့် ကာရေဘီယံပင်လယ်၏ တည်ငြိမ်သော စိမ်းပြာရောင်ရေတို့၏ သိသာသောကွာခြားမှုကို ရှုစားနိုင်သည်။ တစ်ချိန်က ပေါင်းမိုး သဏ္ဌာန် သဘာဝကျောက်တုံးအခုံးနေရာကို မုန်တိုင်းများက တိုက်စားသွားသည်။ ယခုအခါ နိုင်ငံတကာမှဧည့်သည်များကို ဆွဲဆောင်နေသော မှန်ပြတင်းတံတား အေလူသရာသည် "ကမ္ဘာ့အကျဥ်းဆုံး လူသွားလမ်း" ဟုလူသိများပါသည်။

သမ္မာကျမ်းစာတွင် "အသက်ရှင်ခြင်းသို့ ရောက်သောလမ်းနှင့်တံခါးသည် အလွန်ကျဥ်းမြောင်းသည်ဖြစ်၍ တွေ့ဝင်သောသူတို့သည် နည်းကြ၏" ဟု ဖော်ပြ ထားပါသည် (မ ၇:၁၄)။ ကျဥ်းမြောင်းသောတံခါးဟု သတ်မှတ်ရခြင်းမှာ ဘုရားသခင် ၏သားတော်သည် သန့်ရှင်းသောဝိညာဥ်တော်၏တန်ခိုးတော်အားဖြင့် အပြစ်သို့ ကျဆင်းသောလူသားများနှင့် ခမည်းတော်ဘုရားတို့ကို ပြန်လည်ပေါင်းစည်းပေးနိုင်သောတစ်ခုတည်းသောတံတား ဖြစ်သောကြောင့်တည်း (:၁၃-၁၄၊ယော ၁၀:၇-၉၊ ၁၆:၁၃)။ သို့သော် လူမျိုးတိုင်း၊ နိုင်ငံတိုင်းနှင့် လူမှုအဆင့်အတန်းမျိုးစုံမှ ယုံကြည်သူ များသည်…

ခရစ်တော်၌ အဖိုးမဖြတ်နိုင်သောဘဝများ

ပျောက်နေသည့်မင်္ဂလာလက်စွပ်နှင့် မင်္ဂလာနှစ်ပတ်လည်လက်စွပ်ကို ထိတ်ထိတ်ပြာပြာနှင့် ကျွန်မရှာရင်း ပါးပြင်ထက်၌ မျက်ရည်များ စီးကျလာသည်။ ထိုင်ခုံကူရှင်ကို လှန်လှော၊ ချောင်ကြိုချောင်ကြားနှင့် တွင်းပေါက်လေး များပါမကျန် တစ်နာရီကြာမျှ ပိုက်စိပ်တိုက်ရှာဖွေခဲ့၏။ အယ်လန်က "စိတ်မကောင်းဘူးကွာ။ တို့ပြန် ဝယ်ကြ မယ်" ဟု ပြောသည်။ "ကျေးဇူးတင်ပါတယ်။ ဒါပေမယ့် ပစ္စည်းတန်ဖိုးထက် ခံစားမှုပိုင်းဆိုင်ရာ တန်ဖိုးထားမှုက သာတယ်။ ခံစားချက်ကို အစားထိုးလို့ မရဘူး" ဟု ကျွန်မ ပြန်ပြောခဲ့သည်။ "ဘုရားရှင်၊ ကျေးဇူးပြုပြီး ပြန်ပြီးရှာတွေ့အောင် ကူမတော်မူပါ" ဟု ကျွန်မ ဆုတောင်းပြီး လက်စွပ်များကို ဆက်ပြီးရှာဖွေခဲ့သည်။

နောက်ပိုင်း ယခုသီတင်းပတ်အတွင်းဝတ်ခဲ့သော အပေါ်ခံအင်္ကျီအိတ်ကိုနှိုက်ကြည့်ရာ တန်ဖိုးမဖြတ်နိုင်သည့် ရတနာများကို ပြန်ရှာတွေ့ခဲ့သဖြင့် "ကျေးဇူးတင် ပါတယ်၊ သခင်ယေရှု"ဟု ကျွန်မ အော်ပြောလိုက်မိသည်။ ကျွန်မတို့ဇနီးမောင်နှံနှစ်ဦး ဝမ်းမြောက်ဝမ်းသာဖြစ်ကာ လက်စွပ်များကို ကျွန်မပြန်စွပ်လိုက်စဥ် ပျောက်သော ဒင်္ဂါး ပုံဥပမာကို…

အမှန်တရားရောနှောသည့် မုသားများ

သမ္မာကျမ်းစာအုပ်ကို ပလ္လင်ပေါ်တွင်တင်လိုက်ပြီး ဆုတောင်းခြင်းဖြင့် ပြင်ဆင်လာသည့် ဒေသနာကို စတင်ဟောကြားရန် စိတ်အားထက်သန်စွာ စောင့်ဆိုင်းနေသော ပရိသတ်မျက်နှာကို ကျွန်မလှမ်းကြည့်လိုက်သည်။ အဘယ်ကြောင့် ကျွန်မ မပြောနိုင်ဖြစ်နေရသနည်း။

"ဟောပြောတဲ့အလုပ်က မင်းနဲ့မတန်ဘူး။ ဘယ်သူမှ မင်းစကားနားထောင်မှာ မဟုတ်၊ အထူးသဖြင့် မင်းနောက်ကြောင်းကို လူတွေသိသွားရင်ပေါ့။ မင်းကို ဘုရားသခင် သုံးမှာမဟုတ်ဘူး။" စသည့်မုသားစကားများကို ကျွန်မအယုံလွယ်၍ ဆယ်နှစ်ကြာမျှ ၎င်းတို့သည် နည်းမျိုးစုံဖြင့် ကျွန်မ၏စိတ်နှလုံးထဲသို့ဝင်ရောက် လောင်မြိုက်ခဲ့သည်။ မမှန်ကြောင်းသိသော်လည်း စိတ်မလုံခြုံခြင်း၊ ကြောက်ရွံ့ခြင်း မှ ကျွန်မ မရုန်းထွက်နိုင်ခဲ့ပါ။ သို့နှင့် ကျွန်မ သမ္မာကျမ်းစာအုပ်ကို ဖွင့်လိုက်သည်။

သုတ္တံကျမ်း ၃၀:၅ သို့ လှန်လိုက်ပြီး ဖြည်းညင်းစွာ အသက်ရှုသွင်းရှုထုတ်ပြုကာ "ဘုရားသခင်၏စကားတော်ရှိသမျှသည် စင်ကြယ်၏။ ခိုလှုံသောသူအပေါင်း တို့၌ ဘုရားသခင်သည် အကွယ်အကာဖြစ်တော်မူ၏" ဟုအသံကျယ်ကျယ်ဖြင့် ဖတ်လိုက်သည်။ ကျွန်မမျက်လုံးကို မှိတ်လိုက်သောအခါ ကျွန်မအား ငြိမ်သက်ခြင်း လွှမ်းခြုံသွားသလိုခံစားရပြီး…

ကြင်နာခြင်းအမွေ

မာသာ သည် မူလတန်းကျောင်းတွင် လက်ထောက်ဆရာမအဖြစ် အနှစ်(၃၀)ကျော် လုပ်ကိုင်ခဲ့သည်။ နှစ်စဥ် သူမသည် နွမ်းပါးသည့်ကျောင်းသူကျောင်းသားများအတွက် ကုတ်အင်္ကျီ၊ လည်စီး၊ လက်အိတ် အသစ်များ ဝယ်ပေးနိုင်ရန် ငွေစုခဲ့သည်။ သွေးကင်ဆာနှင့်တိုက်ပွဲဝင်ရင်း သူမရှုံးနိမ့် ကွယ်လွန်သွားသောအခါ သူမ အတွက် စျာပနအခမ်းအနားကို ကျွန်မတို့ကျင်းပပေးခဲ့သည်။ လူတို့သည် ပန်းများအစား အသစ်စက်စက် ဆောင်းတွင်းကုတ်အင်္ကျီများကို သူမချစ်သော၊ ဆယ်စုနှစ်ချီ၍ သူမထောက်ပံ့ခဲ့သောကလေးများအတွက် ပေးလှူခဲ့သည်။ လူအများက မာသာ သည် အခြားသူကို ကြင်နာသောစကားလုံးများနှင့် အမြော်အမြင်ရှိသော လုပ်ဆောင်ချက်တို့ဖြင့် နှစ်သိမ့်အားပေးခြင်းအကြောင်း များစွာကို ပြောကြသည်။ သူ၏လုပ်ဖော်ဆောင်ဖက်ဆရာမများက ဤလောကမှ သူထွက်ခွာပြီးနောက် သုံးနှစ်တိုင်တိုင် နှစ်ပတ်လည်နေ့တွင် ကုတ်အင်္ကျီများကို စုဆောင်းကောက်ခံခြင်းဖြင့် သူမကိုအောက်မေ့သတိရကြသည်။ သူမ၏ ကြင်နာမှုအမွေသည် လိုအပ်သူများကို ရက်ရောစွာ ကူညီရန် အခြားသူများ အတွက် ယခုတိုင် တွန်းအားဖြစ်စေခဲ့သည်။

တမန်တော်ဝတ္ထု အခန်းကြီး ၉…